حوار بين ميشو و ميدو حول ثوره تونس
ميشو: ازيك يا ميدو. واحشني مووت من امبارح يابني
ميدو: انت أكتر يا ميشو والله. امبارح الدنيا ولعت
ميشو: ولعت ازاي يا ميدو؟
ميدو: بتوع تونس عملوا ثوره بشعه وقلبوا نظام الحكم
ميشو: يااااه والله حلوين. عقبالنا
ميدو: ايه رأيك نعمل ثوره زيهم؟
ميشو: ممممم قشطه دي فكرة جامدة مووت. ظبط معاد ونعمل ميتينج ونروح نعمل ثوره
ميدو: ايه رأيك نعملها يوم 22 يناير؟
ميدو: BUZZ
ميشو: لأ ياعم خبراء الأرصاد بيقولوا الدنيا ساقعه مووت وممكن يجيلي برد
ميدو: طيب نخليها 23؟
ميشو: عندي امتحان ومش هبقي فاضي وبابا بيزعقلي لو اتأخرت بعد الامتحان. ممكن 24 حلو؟
ميدو: عندي معاد مع المزه. للأسف يا ميشو :(
ميشو: طيب نخليها 25؟
ميدو: الله ده معاد جاامد مووت وهكون فاضي والدنيا بيس
ميشو: تمام أوي. أنا هشير المعاد ده علي الفيس بوك علشان تبقي ثوره كبيره
ميدو: تمام أوي وان شاء الله تبقي ثوره حلوه ونطلع كلنا في التليفزيون :D
ميشو: ان شاء الله يا ميدو يا ثورجي :)
ميدو: باي
ميشو: باي باي
ليست هناك تعليقات:
إرسال تعليق